ԵԿՄ-ի Արցախ կատարած ուխտագնացության շրջանակում Շուշիում օծվեց Ջուղայի խաչքարերի կրկնօրինակը: Խաչքարը կանգնեցվել է ի հիշատակ 1915թ. Հայոց ցեղասպանության սրբադասված զոհերի: Խաչքարի կրկնօրինակները կանգնեցվել են Արցախի բոլոր վարչական շրջաններում: Արցախում կատարված միջոցառումների շրջանակում ԵԿՄ կողմից տրվեցին մեդալներ ինչպես ԵԿՄ անդամներին, այնպես էլ հայրենիքի պաշտպանության, զարգացման համար ավանդ ներդրած այլ անձանց:
ԵԿՄ նախագահ Մանվել Գրիգորյանը անդրադառնալով «Առաջին լրատվական»-ի Ադրբեջանի կողմից հրադադարի ռեժիմի խախտման վերաբերյալ հարցին՝ ասաց, որ Ադրբեջանը բացի ռազմատենչ հայտարարություններից, ուրիշ ոչինչ չի կարող անել, պատերազմի «սանձարձակման» դեպքում կրկին պարտվելու է. «Մեր զինվորն իրոք շատ ժամանակակից պատրաստվածություն ունի՝ իր հավատքով, իր վստահությամբ, ծնողի պատրաստվածությամբ, հոգով ավելի լավ է պատրաստված, քան թուրքի զենքի քանակը, մեր զինվորները իրենց բոլոր գործողություններին լիարժեք պատասխան են տալիս, հլը մի բան չափից էլ ավել, կարողանում են զսպեն, կրկնակի կորուստներ հասցնեն»,- ասաց նա:
Ըստ Մանվել Գրիգորյանի՝ Ադրբեջանը եթե պատերազմ փորձի սանձազերծել, կրկին 1994 թվականի նման միջազգային օղակների միջոցով խնդրելու է, աղաչելու է, որ զինադադար լինի. «Վախկոտը շուտ գոռում ա, կամ քոռը շուտ ասում ա քոռ, որ իրան չասեն, քանի որ մենք հարձակումների կամ հողեր ազատագրելու ցանկություն չունենք էս պահին, վախից ըտենց բաներ են խոսում, երբ որ մենք ուզենանք, իրանք էլ սենց բաներ չեն խոսա, էշի քուռակն էշից առաջ ա ընկնում, գելերն ուտում են, դրա համար էլ կերան իրանցը»,- եզրափակեց նա:
Մանրամասները՝ տեսանյութում: