ՀՀԿ խմբակցության պատգամավոր Խոսրով Հարությունյանի որդու աշխատավարձի չափը օրերս թեժ քննարկվում էր համացանցում: Գրվել էր, որ ԵՏՄ տնտեսական հանձնաժողովում ՀՀ ներկայացուցիչներ Ռոբերտ Հարությունյանը, Արա Նռանյանը և Կարինե Մինասյանը, որոնք ունեն նախարարի կարգավիճակ, ամսական 12 հազար դոլար աշխատավարձ են ստանում: Հատկապես կրտսեր Հարությունյանը ուշադրության էր արժանացել այն բանի համար, որ հայրը կրծքով պաշտպանում էր Հայաստանի անդամագրվելը ԵՏՄ-ին:
«Առաջին լրատվական»-ի հետ զրույցում Խոսրով Հարությունյանը երանության մեջ ընկավ` գումարի չափը կրկին լսելով: Պարզվեց` իր համար այդ բաղձալի չափը պարզապես չափազանցված էր: «Շատ կուզենայի որ որդիս այդքան բարձր աշխատավարձ ստանար, դա չափազանցված է»,-ափսոսանք հայտնեց Հարությունյանը, ապա եռանդով փորձեց համոզել, որ որդու առաջընթացը պայմանավորված է նրա կրթությամբ, ոչ թե հոր գործոնով:
