ԱՄՆ-ում մոտ 32 մլն հասուն մարդ կարդալ չգիտի: Բացի այդ, գրագիտություն ձեռք չեն բերում նաև անապահով ընտանիքների երեխաները: JetBlue ավիաընկերությունը Վաշինգտոնում հատուկ նախագիծ է թողարկել, որի շրջանակներում կարիքավոր երեխաները կարող են յուրաքանչյուր շաբաթ անվճար նոր գիրք ստանալ: Այս մասին գրում է RT-ն:
Գրքի ժամանակակից ավտոմատը տեղադրվել է Վաշինգտոնում՝ մանկական զարգացման կենտրոնում:
Անակոստիա կոչվող շրջանում երեխաների 45 տոկոսն ապրում է աղքատության մեջ: Շրջանն անվանել են գրքերի անապատ, քանի որ ընտանիքները գրքերի նկատմամբ հասանելիություն չունեն:
JetBlue ավիաընկերության վերլուծաբան Քայլա Քարփենթերն ասել է, որ նախագիծն օգնում է բարձրացնել գրագիտության մակարդակը երեխաների շրջանում՝ սեր առաջացնելով ուսման և ընթերցանության նկատմամբ: