Դերասան Նիկոլաս Քեյջը Հոլիվուդում հաջող կարիերայի է հասել, ինչի արդյունքում կարողանում էր յուրաքանչյուր նոր նախագծից ոչ թե միլիոններ, այլ տասնյակ միլիոններ վաստակել։ 50 cent-ից հետո Քեյջը գործնականում իրեն սնանկ է հայտարարել։ Այս մասին հայտնում է Starslife-ը։
Կինոարդյունաբերության ոլորտի երբեմնի ամենաբարձր վարձատրվող աստղը այժմ խնայում է ամեն ինչի համար՝ կացարանից մինչև սնունդ։ Շքեղ առանձնատան փոխարեն նա այժմ ապրում է վարձակալած համեստ բնակարանում, որը գտնվում է Լաս-Վեգասում, իսկ սննդի վրա ծախսում է օրական 10 դոլարից ոչ ավելի։
Դերասանի նման տխուր ֆինանսական վիճակի պատճառը հարկերի վճարումից խուսափելու մեղադրանքն էր, որը նրան առաջադրվել է 6 տարի առաջ։ ԱՄՆ հարկային ծառայության առջև պարտքերի պատճառով նա ստիպված էր վաճառել իր ամբողջ ունեցվածքը՝ մի քանի ամրոց Եվրոպայում, անշարժ գույք ԱՄՆ-ում, 4 զբոսանավ և անձնական ինքնաթիռ։