Էրլ անունով պագլ ցեղատեսակի շունը` ԱՄՆ Այովա նահանգից, համացանցի օգտատերերի նոր սիրեցյալն է դարձել այն բանից հետո, երբ Reddit կայքում հրապարակված նրա լուսանկարները ավելի քան երկու միլիոն like են հավաքել: Այս մասին գրում է The Daily Mail-ը: Օգտատերերը կենդանուն կոչել են «Զայրացած շնիկ»` արտաքինի պատճառով:
5 ամսական Էրլի տերը` Դերեք Բլումֆիլդն ասել է, որ իրականում կենդանին ուրախ և էներգիայով լի է:
«Նա ծնված օրվանից մռայլ մռութ է ունեցել»,- հստակեցրել է նա: Ըստ նրա` շնիկի բնավորությունը «դրական է»: Նա հավելել է, որ արտաքինի պատճառով շունը փողոցում ուշադրություն է գրավում: