Ինչպես հաղորդում է The Wall Street Journal-ը, էլեկտրոնիկայի արտադրության համաշխարհային լիդերներից հոլանդական Philips-ը որոշում է կայացրել հրաժարվել հեռուստացույցների արտադրությունից: Պատճառը անցած եռամսյակի տվյալներն են. ընկերության եկամուտներն անկում են ապրել 31%-ով:
Այն վաճառվելու է հոնգկոնգյան TPV Technology-ին, որին պատկանելու է Philips-ի հեռուստացույցների արտադրության ստորաբաժանման մոտ 70%-ը, մյուս 30%-ը շարունակելու է տնօրինել Philips-ը:
Թեպետ անցած տարվա սեպտեմբերին ընկերությունում հայտարարում էին, որ չեն պատրաստվում հրաժարվել անեկամտաբեր այս ստորաբաժանումից, սակայն այս տարվա առաջին եռամսյակի ընթացքում մաքուր եկամուտը կրճատվել է մինչև 138 մլն եվրո` նախորդ տարվա 201 մլն-ի փոխարեն: Իսկ ընկերության այլ սարքերի վաճառքը, առանց հեռուստացույցների արտադրության տվյալների, աճել է 6%-ով` 5 մլրդ եվրոյից մինչև 5.3 մլրդ: