Ռուսական TASS լրատվական գործակալության փոխանցմամբ՝ Իրանն ու ԱԷՄԳ-ը մեծ փոխըմբռնման են հանգել իրանական միջուկային ծրագրին առնչվող վիճելի հարցերի լուծման շուրջ: Այդ մասին նշված է Թեհրան կատարած այցի արդյունքներով ԱԷՄԳ-ի ղեկավար Յուկիա Ամանոյի տարածած հայտարարության մեջ:
«Կարծում եմ, որ երկու կողմն էլ լավ են ըմբռնում մի շարք ասպեկտներ, թեև աշխատանքի զգալի մասը դեռ առջևում է: Մենք քննարկել ենք նաև «վեցյակի» ու Իրանի միջև բանակցությունների ընթացքը՝ կապված Համատեղ գործողությունների համապարփակ պլան մշակելու հետ և այդ համաձայնագրի համատեքստում ԱԷՄԳ-ի ստուգիչ գործունեության հարցերը:
Իմ այցի նպատակը եղել է իրանական միջուկային ծրագրի հետ կապված մնացյալ բոլոր հարցերի լուծման ուղղությամբ աշխատանքների բարելավումը՝ ներառյալ հնարավոր ռազմական ուղղություններ ասպեկտների պարզումը»:
