Մեծ Բրիտանիայի պաշտպանության նախարար Մայքլ Ֆելոնը պատրաստ է հանդես գալ առաջարկով՝ Սիրիայում ԴԱԻՇ-ի ջիհադիստների դիրքերին հարվածներ հասցնելու վերաբերալ։
Մինչ օրս թագավորական ռազմաօդային ուժերը մասնակցել են կոալիցիայի ավիահարվածներին միայն Իրաքում։ Սակայն ինչպես հայտնի է դարձել BBC-ին, հինգշաբթի խորհրդարանի առջև իր ելույթում նախարարը կփորձի համոզել պատգամավորներին, որ անտրամաբանական է ռմբակոծել գրոհայիններին Իրաքում, սակայն զերծ մնալ Սիրիայում ավիահարվածներ հասցնելուց։
Նախարարության տվյալներով՝ իսլամիստների հարձակումը Թունիսի հյուրանոցի վրա, որի հետևանքով 30 բրիտանացի զբոսաշրջիկ էր զոհվել, կարող է ծրագրված լինել սիրիական Ռաքքայում, որը դե ֆակտո դարձել է ջիհադիստների մայրաքաղաքը։ Բրիտանացիներից բացի՝ ևս 8 այլ օտարերկրացիներ էին զոհվել։
Մեծ Բրիտանիայի վարչապետ Դևիդ Քեմերոնն ավելի վաղ վստահություն էր հայտնել, որ միայն ավիահարվածները գրոհայինների դիրքերին բավարար չեն։
