Եգիպտոսը դիմել է ԱՄՆ իշխանություններին` պետական պարտքը ներելու խնդրանքով: Դրանով ԱՄՆ-ն աջակցություն ցույց կտա այդ երկրի նոր կառավարությանը` երիտասարդության համար նոր աշխատատեղեր ստեղծելու և տնտեսական աճ ապահվելու համար: Այս մասին հաղորդում է Reuters գործակալությունը:
Ինչպես հայտնել է Եգիպտոսի ծրագրովորման և միջազգային համագործակցության նախարար Ֆաիզա Աբու Ալ-Նաղան, խոսքը գնում է մոտ 3.6 մլրդ դոլարի մասին. «Մենք խնդրում ենք մեր ամերիկացի ընկերներին ներել մեզ այդ պարտքը», ասել է նախարարը` ելույթ ունենալով Վաշինգտոնում ԱՄՆ առևտրի պալատում:
Բացի այդ, Եգիպտոսի ֆինանսների նախարար Սամիր Ռադվանը նշել է, որ Եգիպտոսը պատրաստվում է դիմել միջազգային վարկատուներին և G7 անդամ երկրներին` խնդրելով 10 մլրդ դոլարի օգնություն, որն անհրաժեշտ է երկրի տնտեսությունը վերականգնելու համար: «Ես օգնություն եմ խնդրելու նրանցից»,- ասել է Ռադվանը` ելույթ ունենալով Արտարժույթի միջազգային հիմնադրամի վաշինգտոնյան գրասենյաում:
Տեղեկացնենք, որ եգիպտական մեծ պատվիրակություն է ժամանել ԱՄՆ` փորձելով տնտեսության վերականգնման համար ստանալ միջազգային կազմակերպությունների և մեծ տերությունների աջակցությունը: