Ամառը իր մեջ մեծ վտանգ է թաքցնում հղի կանանց համար, հայտարարել են մասնագետները: Հենց ամռանը հղիների մոտ կարող են առաջանալ վիժումներ կամ անժամանակ ծննդաբերություններ: Այս մասին հաղորդում է mignews.ru-ն:
Բժիշկների կարծիքով՝ կանայք այդ ժամանակ պետք է շատ ուշադիր լինեն իրենց առողջության նկատմամբ: Օդի բարձր ջերմաստիճանը բացասաբար է ազդում ապագա մայրերի առողջության վրա, մասնավորապես՝ կանանց օրգանիզմը ջրազրկվում է, և կարող է խախտվել սրտանոթային համակարգի աշխատանքը:
Մասնագետները հղի կանանց խորհուրդ են տալիս երկարատև ուղևորություններ կամ հանգստյան տներ գնալուց առաջ խորհրդակցել իրենց գինեկոլոգի հետ և ուշադրությամբ կատարել նրա բոլոր հրահանգները: Բացի այդ, խիստ հետևեն իրենց սննդակարգին և խմեն բավարար քանակությամբ ջուր: