Android օպերացիոն համակարգի նոր՝ M տարբերակի գլխավոր առանձնահատկությունն է դարձել Now on Tap տեղեկատվական տեխնոլոգիան և մարտկոցի խնայման Doze տեխնոլոգիան։
Այն ներկայացվել է Սան Ֆրանցիսկոյում՝ մշակողների համար անցկացված Google I/O համաժողովի շրջանակում՝ գրում է TechnoBuffalo-ն։
Ըստ ստեղծողների՝ նոր տարբերակը էլեկտրոնային սարքին հնարավորություն կտա դառնալ ավելի «խելացի»՝ շնորհիվ մոտ 200 բարելավումների։
Բացի դրանից՝ սարքերը կարող են նորովի փոխգործակցել Google Now ծառայության հետ, համակարգել քարտեզները, օրացույցը և փոստի պարունակությունը։
Now on Tap-ը կարող է վերլուծել տվյալները սմարթֆոնի տիրոջ մասին և նրան տարբեր օգտակար խորհուրդներ տալ։
Համաժողովի ժամանակ Google ընկերության ներկայացուցիչները ցուցադրել են Android M տեղեկատվական համակարգի և ձայնային օգնականի նոր հնարավորությունները։
