ԱՄՆ-ում բնակվող իսլամական հասարակական գործիչ Ֆեթուլահ Գյուլենի շարժման կողմնակիցները ներթափանցել են Թուրքիայի բոլոր պետական կառույցներ։ Այս մասին հայտնել է Թուրքիայի նախագահ Ռեջեփ Թայիփ Էրդողանը NTV հեռուստաալիքի հետ հարցազրույցում։
Էրդողանը նշել է, որ չի բացառում հնարավորությունը, որ Գյուլենի կողմնակիցները նաև ներխուժել են Թուրքիայի զինված ուժեր։
2014-ի փետրվարին թուրքական ԶԼՄ-ները տեղեկություն էին տարածել, որ 2011 թվականին հակաահաբեկչական գործողության շրջանակում, որն իրականացրել էր Ստամբուլի դատախազությունը Salam ահաբեկչական կազմակերպության դեմ, գաղտնալսվել են Թուրքիայի նախագայի, վարչապետի, հետախուզության ղեկավարի հեռախոսազրույցները։
Էրդողանը, որն այն ժամանակ զբաղեցնում էր վարչապետի պաշտոնը, մեղադրել էր Գյուլենին, որ հենց նրա շարժման ներկայացուցիչներն են կանգնած հեռախոսազրույցների գաղտնալսման հետևում։
Էրդողանը նշել է, որ Գյուլենի շարժումն իր հակապետական գործունեությամբ ապացուցել է, որ ոչ թե կրոնական հոսանք է, այլ քաղաքականացված և անօրինական կազմակերպություն։ Նա կոչ է արել Գյուլենին չմիջամտել Թուրքիայի ներքին գործերին և մեղադրել է ԱՄՆ-ին նրան աջակցելու համար։