Ռոտերդամում մերձավորարևելյան խոհանոցի մեջ մասնագիտացված Le Souq սրճարանը հիմնարկության համար տպված նոր քարտեզում Իսրայելը ամբողջությամբ փոխարինել է Պաղեստինով: Այդ մասին գրել է Algemeen Dagblad daily-ն:
Դա նկատել է տեղական քաղաքական գործիչ Յան Գուտենը և այդ մասին հայտնել Twitter-ի իր էջում. «Նոր երկիր Մերձավոր Արևելքո՞ւմ: Rotterdam’s Market Hall-ում չգիտեն Իսրայելի գոյության մասին: Տարօրինակ է»,- գրել է նա:
Ռեստորանի տերը՝ Նադյա Աֆկիրը, պատասխանել է, որ իրենց ճաշացուցակը կազմված է հիմնականում հին պաղեստինյան խոհանոցի ուտեստներից, և քարտեզի վրա նշված են միայն այն երկրները, որոնց հետ իրենք համագործակցում են: Նա հայտարարել է, որ չէր սպասում այդպիսի արձագանքի, որովհետև դա չի արվել քաղաքական նկատառումներով:
