Մինչև 2040թ. Սաուդյան Արաբիան պատրաստ կլինի հրաժարվել նավթից: The Financial Times-ի հաղորդմամբ՝ այս մասին ասել է թագավորության նավթի և հանքային ռեսուրսների նախարար Ալի ալ-Նաիմին:
Ըստ նրա՝ ապագայում երկիրը գլոբալ խաղացող կդառնա արևային և քամու էներգետիկայի շուկայում: Ի վերջո, թագավորությունն էլեկտրաէներգիա կարտահանի, ոչ թե ածխաջրածիններ:
Միաժամանակ, նա նշել է, որ մոլորակի վրա 1 մլրդ-ից ավելի մարդ ապրում է առանց էլեկտրականության, ուստի արդյունահանվող վառելիքի զգալի պահանջարկը կպահպանվի:
Ըստ նախարարի՝ նավթի էժանացումն արևային էլեկտրակայանները չի դարձնում ոչ շահավետ: Նա հավատում է, որ արեգակնային էներգիայի օգտագործումը տնտեսապես ավելի արդարացված է, քան նավթի և գազի արդյունահանումը:
Սաուդյան Արաբիան առաջին տեղում է աշխարհում նավթի հաստատված պահուստների ծավալով՝ 260,2 մլրդ բարել: 2015թ. ապրիլին թագավորությունը ավելի քան 10 տարվա ընթացքում հասել է ռեկորդային արդյունահանման ՝ 10,3 մլն բարել օրական: