«Թող ձեռքերը լվանան` լոլիկից ձկան հոտ չեն առնի, բնագավառից չեն հասկանում` թող պատասխանատու հայտարարություններ չանեն»,-«Առաջին լրատվական»-ի հետ զրույցում ասաց «Հայաստանի ագրարագյուղացիական միավորում» ՀԿ նախագահ Հրաչ Բերբերյանը՝ անդրադառնալով այն հայատարություններին, թե սպառողները դժգոհում են, որ ջերմոցային պայմաններում աճեցված լոլիկից, վարունգից ձկան համ են առնում: Ըստ նրա՝ վերջին շրջանում թունավորումների ահազանգ չկա, ուստի այդպիսի հայտարարություններով փորձում են ինչ-որ մեկի ջրաղացին ջուր լցնել: Այդպիսի քայլերով առաջինը վնասում են հայ գյուղացուն, քանի որ ջերմոցային մթերքները ոչ միայն ներկրվում են, այլև տեղական շուկայի արտադրանք են.« Ներկրվողը պարենային ծառայությունը սահմանին ստուգում է, իսկ գյուղացիների մասով չկա մեկը, որ կարող է ասել, թե գյուղացու բերքից ազգաբնակչությունը տուժում է»:
Հրաչ Բերբերյանը նաև նկատեց, որ արդեն մեկ ամսից շուկայում ջերմոցային մթերքներ գրեթե չեն լինի: Գյուղատնետեսական տարին հաջող է, ամենակարևորը` ծիրանի պակաս չի լինի. «Հանգիստ եղեք` ծիրանը 2 -3 հազար դրամ չի լինի, կլինի 300, նույնիսկ` 200 դրամ»,-ասաց նա:
Հրաչ Բերբերյանը մտահոգություն հայտնեց ոչ թե ջերմոցային մթերքների մասով, այլ գյուղացուն հողից կտրող հանգամանքերի ու երևույթների: Ըստ նրա՝ այս տարի գյուղատնտեսությանը վնասեց այն, որ արժեթղթերի շուկայի անկայունության հետ կապված խնդիրների պատճառով բանկերը գյուղացիներին վարկեր չեն տրամադրում: Հետաքրքիրն այն է, որ բազմաթիվ թղթեր են ուզում, հողի գնահատում կատարում, գյուղացին շուրջ 30 հազար դրամ ծախսում է, բայց անարդյունք. «ծիծաղելի մահանայով մերժում են, մարդը պարտք չունի, նախորդ վարկը փակել է, ասում են` 2 օր ուշացրել ես, հայտնվել ես սև ցուցակում»,-մանրամասնեց Հրաչ Բերբերյանը:
Ըստ նրա ՝ վարկերի խնդիրներն այս տարվա մեծ դժբախտություն են.«Որտե՞ղ է, մեր 70 մլն դոլարը, որը որ վերջին 10 տարում տարբեր կազամակերպություններ տվել են գյուղատնտեսությանը, որը բանկերի միջոցով պետք է գյուղացին ստանար. սրա հետ կապված մենք համապատասխան հայտարություն անելու ենք»,-ընդգծեց Հ. Բերբերյանը: Նա նաև շեշտեց, որ դիմելու են ՀՀ նախագահին, վարչապետին:
Մանրամասները՝ տեսանյութում
