Հայտնի երգչուհի Արիանա Գրանդեի հանդեպ ոչ առողջ զգացումներ տածող երկրպագուն՝ Տիմոտի Նորմանդինը, ձերբակալվել է անցյալ ամիս Կոնեկտիկուտում կայացած նրա համերգի ժամանակ: Ավելի վաղ նա ձերբակալվել էր երգչուհու տարածք ներթափանցելու պատճառով: Այդ ժամանակ նա ազատ էր արձակվել 5 հազար դոլար գրավի դիմաց՝ հայտնում է starslife.ru-ն:
Անցած տարի իրավապահները արդեն մի քանի պաշտոնական նախազգուշացում էին արել այն բանից հետո, երբ նա սկսել էր երգչուհուն բազմաթիվ նվերներ ուղարկել: 2014թ. նա ձայնագրման ստուդիա էր գնացել Սանտա Կլաուսի կոստյումով, ինչից հետո նրան հարկադրաբար հոգեբուժարան էին տեղավորել:
Թե ինչպես կվարվեն նրա հետ այս անգամ՝ առայժմ հայտնի չէ:
