Charlie Hebdo ֆրանսիական շաբաթաթերթի արմատներով հայ թղթակից, հումորիստ Մաթյո Մադենյանը Paris Match պարբերականին տված հարցազրույցում անդրադարձել է Հայոց ցեղասպանության 100-րդ տարելիցին։ Նրա խոսքով՝ 1.5 մլն զոհերին պետք է հիշել ոչ միայն ապրիլի 24-ին։
Պատասխանելով հարցին այն մասին, արդյո՞ք նա նշել է 100-րդ տարելիցը, Մադենյանը նշել է, որ ապրիլի 24-ին, ինչպես ամեն երեկո բեմում է եղել, միայն բացառություն է եղել Հայաստանի վերաբերյալ անդրադարձը։«Ապրիլի 24-ը կարևոր ամսաթիվ է, սակայն չպետք է զոհված 1.5 մլն հայերի մասին մոռանալ մյուս օրերին»,-նշել է նա։
Նա պատմել է, որ իր պապը 4 տարեկանում կոտորածի սկզբում փախել է մոր և եղբայրնրի հետ, իսկ նրա հայրը՝ իր նախապապը, ձերբակալության է ենթարկվել, որից հետո նրան ոչ ոք չի տեսել։
Այն հարցին, թե ինքն իրեն հայ զգու՞մ է, Մադենյանը պատասխանել է. «Ես ծագումով հայ ֆրանսիացի եմ։ Ես մեծացել եմ Հայաստանի մասին տատիկներիս ու պապիկներիս պատմությունները լսելով։ Դա է պատճառը, որ այդ երկիրը ժամանակի ընթացքում հասցրել է մի փոքր իմը դառնալ։ Ես դեռևս այնտեղ չեմ եղել, սակայն ծրագրում եմ շուտով լինել»։
Մադենյանը նշել է, որ Հայաստանի ու հայերի մասին ինքը հաճախ է խոսում իր ելույթներում ու հրապարակումներում։ «Դա ներդրում կատարելու հնարավորություն է ինձ համար»,-եզրափակել է նա։
