Ապրիլի 24-ին Բուլղարիայի խորհրդարանը բանաձև է ընդունել Հայոց ցեղասպանության տարիներին հայերի զանգվածային սպանության դատապարտման մասին, որում, սակայն, չի կիրառվել «ցեղասպանություն» եզրը: Այս մասին գրում է թուրքական «Հյուրիյեթ» պարբերականը։
«Ատակա» կուսակցության կողմից խորհրդարան ներկայացված բանաձևի քննարկման արդյունքում ընդունվել է երկրի վարչապետ Բոյկո Բորիսովի՝ «ցեղասպանություն» բառը «զանգվածային սպանդ» բառակապակցությամբ փոխարինելու առաջարկը: Թուրք պատգամավորները բոյկոտել են քվեարկությունն ու լքել դահլիճը։
Թուրքական մամուլում, չնայած այն հանգամանքին, որ ընդունվել է փոխզիջումային բանաձև, Բուլղարիայի խորհրդարանի հասցեին այսօր մի շարք քննադատական հոդվածներ են հրապարակվել։