«Հրապարակ» թերթը գրում է. «Ժամը 13-ի սահմաններում, մինչև բոլորովին վերջերս երկրորդ հուժկու քաղաքական ուժ համարվող ԲՀԿ-ն երեկ հուշահամալիր էր այցելել չափազանց համեստ խմբով, որն առաջնորդում էին քաղաքաշինության նախկին նախարար Վարդան Վարդանյանը, Գեղարքունիքի նախկին մարզպետ Նվեր Պողոսյանը, պատգամավոր Վահե Էնֆիաջյանը և Երևանի ավագանու ԲՀԿ խմբակցության ղեկավար Թամարա Պողոսյանը:
Ուշագրավ էր, որ ԲՀԿ-ականներին հետևում էր նաև կուսակցությունը լքած պատգամավոր Արայիկ Աղաբաբյանը: Կեսօրն անց Ծիծեռնակաբերդում էր արդեն «Ժառանգության» առաջնորդ Րաֆֆի Հովհաննիսյանը` փոքրիկ շքախմբով, որից հետո՝ արմատական ՀԱԿ-ը, հիմնադիր նախագահ Լևոն Տեր-Պետրոսյանի գլխավորությամբ: Չնայած 100-ամյակի հնչեղությանը, ՀՀ չինովնիկներն ու քաղաքական գործիչներն այս տարի խուսափում էին լրատվամիջոցների հետ շփումից` պատճառաբանելով անձրևոտ ու ցուրտ եղանակը»:
Մանրամասները՝ սկզբնաղբյուր կայքում
