«Մեր երեխաներին, առանց ծնողների համաձայնության, կերակրում են ալյուրի հետ խառնած պրեմիքսներով, ընդ որում՝ դրանցում պարունակվում է նաև սինթետիկ դեղանյութ՝ ֆոլաթթու։ Այս արարքը հանցագործություն է, որը պիտի պատժվի։ Ռուսաստանից հարստացված ալյուր են բերում, որից հրաժարվում է անգամ ՌԴ-ն»,-«Առաջին լրատվական»-ի հետ զրույցում ասաց «Քրիստոնյաներ ընդդեմ մարդկանց համարակալման» միավորման նախագահ Խաչիկ Ստամբոլցյանը՝ հավելելով, որ հանցագործության մանրամասները «Հանուն առողջ սննդի» քաղաքացիական նախաձեռնության հետ պարզել են վերջին 3 օրվա ընթացքում և պնդում են, որ կան բազմաթիվ փաստեր:
Փաստերը վկայում են այն մասին, որ «Պարենի համաշխարհային ծրագրի» «Դպրոցական սնունդ» ծրագիրը, որով ՊՀԾ-ն Հայաստանի 6 մարզերում՝ Գեղարքունիքում, Տավուշում, Լոռիում, Շիրակում, Արագածոտնում և Արմավիրում, տարրական դասարանների 50 000 աշակերտների տալիս է տաք սննդարար ապուր կամ շիլա ու հաց, վտանգում է երեխաների առողջությունը, նրանք կանգնած են քաղցկեղի և չբերության վտանգի առաջ:
Խաչիկ Ստամբոլցյանը նշեց, որ գրավոր դիմել են ՀՀ քննչական կոմիտեի նախագահ Աղվան Հովսեփյանին՝ պահանջելով, որ քրեական գործ հարուցվի քրեական օրենսգրքի 127 և 279 հոդվածների հատկանիշներով, քանի որ երեխաները ենթարկվել են բժշկական կամ գիտական փորձերի՝ առանց խնամակալների, ծնողների իմացության և թույլտվության:
Խաչիկ Ստամբոլցյանը նաև մանրամասնեց, որ փորձել է կապ հաստատել ԿԳ նախարար Արմեն Աշոտյանի հետ, սակայն վերջինս չի արձագանքում, առողջապահության փոխնախարարի հետ է խոսել, ով իր հերթին նշել է, որ ծրագրի մասին տեղեկություններ չունի:
Մանրամասները՝ տեսանյութում։