Բրիտանացի նկարիչ Ջեյմի Մաքարթնին քանդակ է ստեղծել, որը կանացի սեռական օրգանի մի քանի հարյուր շուրթից է բաղկացած: Նախագծին մասնակցել են Կոլորադո նահանգի բնակչուհիները, հաղորդում է The Guardian-ը:
Մաքարթնիի քանդակների մոդելները 18-76 տարեկան են: Պատրաստ քանդակը նկարիչը չի գունավորել, այն սպիտակ է թողել: Մաքարթնիի աշխատանքային պրոցեսը մի ամբողջ շաբաթ հեռարձակվել է ուղիղ եթերով:
Ինչպես պարզաբանում է պարբերականը, նկարիչը անատոմիական թեմաներով սկսել է հետաքրքրվել դեռ մի քանի ամիս առաջ, երբ տեղեկացել է, որ սեռական շուրթերը վիրահատական միջամտությամբ փոքրացնելը չափազանց պահանջված է Բրիտանիայի և ԱՄՆ-ի բնակչուհիների շրջանում:
«Մի փոխեք ձեր մարմնի մասերը, այլ փոխեք ձեր զուգընկերներին: Ինձ դուր են գալիս սեռական շուրթերը: Դրանց հետ ինչ-որ բան անելը ֆաշիզմ է: Հանգիստ թողեք դրանց»,- իր ստեղծագործությունը մեկնաբանել է նկարիչը:
