Եգիպտոսը մտադիր է միանալ Ենթակառուցվածքային ներդրումների ասիական բանկին: Կահիրեն այդ միջազգային ֆինանսական կազմակերպությանն անդամակցության հայտ կներկայացնի, հայտնում է TASS-ը՝ հղում անելով տեղի ԶԼՄ-ներին:
Մարտի 31-ի դրությամբ որպես Ենթակառուցվածքային ներդրումների ասիական բանկի համահիմնադրի թեկնածու պաշտոնապես հաստատվել է 44 հավակնորդից 30 երկիր:
Ենթակառուցվածքային ներդրումների ասիական բանկի ստեղծման գաղափարը Չինաստանինն է, այդ նախագծի վերաբերյալ առաջին հուշագիրը ստորագրվել է 2014թ. հոկտեմբերին Պեկինում:
Ֆինանսական ինստիտուտի կանոնադրական կապիտալը կկազմի 100 մլրդ դոլար, սկզբնական բաժնետիրական կապիտալը՝ 50 մլրդ դոլար: Բանկը պետք է ձևավորվի մինչև 2015թ. վերջ, շտաբ-բնակարանը կլինի Պեկինում: