Թունիսում տասնյակ հազարավոր մարդիկ մասնակցել են ծայրահեղական խմբավորումների բռնությունների դեմ բողոքի քայլերթի։
Վանկարկելով «Ոչ ահաբեկչությանը»՝ քայլերթի մասնակիցները շարժվել են դեպի «Բարդո» թանգարանը, որտեղ հարձակման հետևանքով մարտի 18-ին զոհվել էր ավելի քան 20 մարդ, հիմնականում՝ օտարերկրացի զբոսաշրջիկներ:
Նշվում է, որ քայլերթին մասնակցել են Ֆրանսիայի նախագահ Ֆրանսուա Օլանդը և Իտալիայի վարչապետ Մատեո Ռենցին։
Նախօրեին հայտնի էր դարձել, որ Թունիսի անվտանգության ուժերը հակաահաբեկչական գործողությունների ընթացքում սպանել էին «Օկբա իբն Նաֆաա» իսլամիստական խմբավորման մի քանի գրոհայինի, այդ թվում և Լոքման Աբու Սահրուին, որին համարում են թանգարանի վրա հարձակման կազմակերպիչ։