Անհատական համակարգիչների Hewlett-Packard (НР) արտադրության նախկին գլխավոր տնօրեն Կարլի Ֆիորինան հայտարարել է, որ, «մեծ հավանականությամբ», կմասնակցի հաջորդ նախագահական ընտրություններին, որոնք կանցկացվեն ԱՄՆ-ում 2016 թ.։ Ֆիորինան Հանրապետական կուսակցության անդամ է։
«Հնարավորությունները, որ ես կմասնակցեմ ընտրություններին, շատ մեծ են՝ ավելի քան 90 տոկոս»,- Fox News-ին տված հարցազրույցում ասել է 60-ամյա Ֆիորինան և հավելել, որ «շատ լավ հասկանում է, թե ինչպես են աշխատում տնտեսությունն ու աշխարհն ընդհանուր առմամբ»։
НР-ի նախկին գլխավոր տնօրենի խոսքով՝ իր պլանների մասին նա պաշտոնապես կհայտարարի ապրիլի վերջին-մայիսի սկզբին։ Ներկա պահին Ֆիորինան բանակցություններ է վարում իր նախընտրական քարոզարշավի պոտենցիալ հովանավորի հետ և նախընտրական շտաբ է ձևավորում: