Հանգուցյալ Լի Կուան Յուի հուղարկավորության երթը սկսել է շարժումը խորհրդարանի շենքից և նախկին վարչապետին կհասցնի մինչև Ազգային համալսարան, որտեղ շուտով կսկսվի հուղարկավորության պաշտոնական հատվածը:
Ինչպես հաղորդում է TASS-ը՝ երկրի ռազմածովային ուժերի նավերն արդեն շարվել են ըստ կարգի հուղարկավորության երթն անցնելու համար, ռազմաօդային ուժերի ինքնաթիռներն արդեն սգո թռիչք են իրականացնում, ավտոշարասյունն ուղեկցում են հրացանների կրակոցները, որոնք տեղադրված են խորհրդարանի շենքի մոտակայքում:
Ըստ կազմակերպիչների՝ ավելի քան 1.4 մլն մարդ է ժամանել հրաժեշտ տալու Սինգապուրի առաջին վարչապետ Լի Կուան Յուին:
