ԱՄՆ բնակիչները 2014 թվականին տնային կենդանիների վրա ծախսել են 58 մլրդ դոլար, ինչը 4.2 տոկոսով ավելի է նախորդ տարվա համեմատ։ Այս մասին հայտնում է TASS գործակալությունը՝ հղում անելով Կենդանիների համար ապրանքներ արտադրողների ամերիկյան ասոցիացիային։
Ծախսերի գլխավոր հոդվածում կերի ծախսերն են։ 2014-ին կերի վա ծախսվել է 22 մլրդ դոլար։ Երկրորդ տեղում անասնաբուժական սպասարկումն է՝ 15 մլրդ դոլար. խոսքը ոչ միայն անհրաժեշտ բժշկական, այլև պլաստիկ պրոցեդուրաների մասին է։
Երրորդ տեղում տարբեր ապրանքների ծախսերն են՝ վզկապներ, կերակրամաններ, դեղորայք։ Եվս 4.8 մլրդ դոլար ծախսվում է վարսավիրանոցներում, հյուրանոցներում և այլն։
Ամենաարագն աճում են սպա-սրահներում կենդանիների այցերի ծախսերը։ Ասոցիացիայի տվյալներով՝ ԱՄՆ-ում ապրում է 397 մլն ընտանի կենդանի, որից 96 միլիոնը՝ կատուներ, 80 միլիոնը՝ շներ։
