Նախօրեին Կալիֆոռնիայում 31-ամյա ուսուցչուհին կախվել է իր դասարանում, հայտնում է Los Angeles Times-ը: Ջիլիան Ջեյքոբսոնի մարմինը հայտնաբերել են աշակերտները, երբ առավոտյան դասի են եկել:
Դեպքը տեղի է ունեցել Պլացենտիա քաղաքում՝ Լոս Անջելեսից 50 կմ հարավ-արևելք:
Ուսուցչուհու մարմինը հայտնաբերել են 2 աշակերտները, որոնք չեն կարողացել բացել դասարանի դուռն ու օգնության են կանչել մեկ այլ ուսուցչի: Մտնելով դասարան՝ նրանք տեսել են կախված վիճակում գտնվող կնոջը: