Իսրայելի հյուսիսային սահմաններին՝ Լիբանանի և Սիրիայի հետ, նոր պատերազմի անխուսափելիություն առայժմ չկա, բայց այդ հնարավորությունը պահպանվում է: TASS-ի հաղորդմամբ՝ այսպիսի պնդումներով են թողարկվել իսրայելական էլեկտրոնային և տպագիր ԶԼՄ-ները՝ մեկնաբանելով չորեքշաբթի օրը իսրայելա-լիբանանյան սահմանին տեղի ունեցած զինված հակամարտությունը, որի հետևանքով զոհվել է իսրայեցի 2 զինծառայող և ՄԱԿ-ի իսպանացի խաղաղարար, մի քանի մարդ երկու կողմից վնասվածքներ են ստացել:
The Haaretz թերթը գրում է, որ լիբանանյան «Հզբոլլահ» խմբավորումը, որի անդամները գնդակոծել են իսրայելական ավտոշարասյունը սահմանամերձ Շեբաա շրջանում, «մտադիր չէ նոր ճակատ բացել» Սիրիայում քաղաքացիական պատերազմին իր մասնակցության ֆոնին:
Իսրայելը, իր հերթին, ևս հետաքրքրված չէ նոր լիամասշտաբ պատերազմով, նշում է The Haaretz-ը՝ հղում անելով բարձրաստիճան աղբյուրներին Իսրայելի պաշտպանական բանակում:
Israel news կայքը դեպքի մանրամասներ է բերում: Մասնավորապես, նշվում է իսրայելցի զինվորականների հրաշալի պատրաստվածությունը: Նրանցից այն զինվորները, ովքեր չեն տուժել ավտոշարասյան գնդակոծության հետևանքով, հաշված վայրկյանների ընթացքում վնասված մեքենաներից դուրս են բերել իրենց վիրավոր զինակիցներին, ինչից հետո մի քանի զրահապատ ջիպ պայթել են:
«Կողմերից ոչ մեկը չի ուզում, որ իրավիճակը դուրս գա վերահսկողությունից, բայց ոչ ոք չի կարող երաշխավորել, որ նոր սահմանամերձ հակամարտության սրում չի հաջորդի,- նշում է The Jerusalem Post-ը:- Ինչ վերաբերում է Իսրայելին, նրա նպատակը բացառապես պաշտպանությունն է, իսկ «Հզբոալլահը» մտադիր է իր դիրքերն ամրապնդել և՛ սահմանին, և՛ հարավային Սիրիայում լայնամաշտաբ պատերազմի դեպքում (հրեական պետության հետ)»: