«Ազգային ճակատ» կուսակցության հիմնադիր, ծայահեղ աջակողմյան քաղաքական գործիչ Մարին Լե Պենի հոր՝ Ժան-Մարի Լե Պենի բնակարանում հրդեհ է տեղի ունեցել, հաղորդում է BFM TV հեռուստաալիքը: Դրա հետևանքով 86-ամյա քաղաքական գործիչը դեմքի այրվածք է ստացել:
Ինչպես հաղորդել են հրշեջները և ոստիկանությունը, հրդեհը բռնկվել է Ռյուեյ Մալմեզոն քաղաքում գտնվող բնակարանում, կրակն արագ մարել են: 86-ամյա քաղաքական գործչին առաջին օգնություն են ցույց տվել, նրա կյանքին ոչինչ չի սպառնում: Սակայն բնակարան մեծապես վնասվել է:
Ժան-Մարի Լե Պենը հիմնել է «Ազգային ճակատ» կուսակցությունը 1972 թ. և գլխավորել է այն մինչև 2011 թ., երբ հանձնել է ղեկավարման լծակները դստերը: Նա հայտնի է իր ազգայնական հայացքներով: Ակտիվորեն հանդես է գալիս ներգաղթի կրճատման և Ֆրանսիայի եվրոինտեգրման դեմ: