Սիրիական Քոբանի քաղաքից ավելի քան 192.41 հազար մարդ ապաստան է գտել Թուրքիայում: Այս մասին ասվում է շաբաթ օրը արտակարգ իրավիճակների և բնական աղետների թուրքական դեպարտամենտի հրապարակած հաղորդագրության մեջ՝ փոխանցում է RIA Novosti-ն:
Դեպարտամենտի տվյալներով՝ թուրքական հիվանդանոցներում բուժում են ստացել Քոբանիից ավելի քան 27.8 հազար փախստականներ, իսկ 60 հազար երեխաներ ստացել են պատվաստում: 2012թ. օգոստոսից թուրք-սիրիական սահմանը հատել են 819 բեռնատարներ՝ 27 միլիոն թուրքական լիր (մոտ 11.7 միլիոն դոլար) արժողությամբ մարդասիրական օգնությամբ:
