Իրաքի հյուսիս-արևմուտքում քրդական «փեշմերգա» միավորումների մարտիկները վերջին 48 ժամվա ընթացքում ԴԱԻՇ-ի («Իրաքի և Շամի իսլամական պետություն») մոջահեդներից ազատագրել են 30 գյուղ:
Ինչպես շաբաթ օրը հայտնել է «Ալ-Մայադին» հեռուստաալիքը՝ գործողությունների արդյունքում հաջողվել է շրջափակումից ամբողջությամբ հանել մայրուղին, որը Սինջար լեռնային շրջանը կապում է Դահուկ քաղաքի հետ: Դա թույլ կտա տարհանել եզդիների ընտանիքներին, որոնք փախել էին լեռներ՝ փրկվելով զինված ծայրահեղականների հետապնդումներից:
Սիրիական քրդերի ինքնապաշտպանական ուժերը գրոհայիններին դուրս են մղել նաև սահմանամերձ 9 գյուղերից՝ այդպիսով Սիրիայի հետ սահմանին փախստական եզդիների համար բացելով միջանցք:
