ԱՄՆ նախագահ Բարաք Օբաման Կոնգրեսին կրկին կոչ է արել փակել Գուանտանամոյի բանտը: Այս մասին հայտնում է RIA Novosti-ն:
Նրա խոսքով՝ բանտի աշխատանքի շարունակությունը խափանում է ազգային անվտանգությունը: «Մենք պետք է փակենք այն: Ես երկու կուսակցությունների անդամներին կոչ եմ անում աշխատել մեզ հետ՝ փակելու ամերիկյան պատմության այդ գլուխը»,- ասել է Օբաման 2015-ի պաշտպանական բյուջեի ստորագրումից հետո արված հայտարարության մեջ:
Օրենքի մի շարք դրույթներ զրկում են նախագահին բանտն ինքնուրույն փակելու հնարավորությունից, ինչպես Օբաման խոստացել է դեռևս առաջին ընտրարշավի ժամանակ՝ 7 տարի առաջ:
Ներկայում այնտեղ պահվում է 136 բանտարկյալ:
«Գուանտանամոն փակ է արդեն 13 տարի, ինչն ամերիկացի ժողովրդին տարեկան հարյուր միլիոնավոր դոլարներ է արժեցել և խարխլում է Ամերիկայի հեղինակությունն աշխարհում»,- հայտարարել է Օբաման:
Նրա խոսքով՝ չնայած օրենքով նախատեսված սահմանափակումներին՝ գործադիր իշխանությունը պետք է ունենա ճկուն հնարավորություններ: Նա նշել է, որ պաշտպանական օրենքի որոշ նորմեր, որոնք վերաբերում են բանտարկյալներին երրորդ երկրներ ուղարկելուն, խախտում են իշխանության բաշխման սահմանադրական սկզբունքը: