Հինգշաբթի օրը նավթի համաշխարհային գներն աճում են ԱՄՆ-ից վիճակագրական տվյալների ֆոնին, որոնք վկայում են այդ երկրում 1 շաբաթում 0.2%-ով նավթի պահուստների նվազման մասին: Այս մասին հայտնում է Ria Novosti-ն՝ վկայակոչելով առևտրի տվյալները:
Հինգշաբթի օրը, Երևանի ժամանակով ժամը 8.21-ի դրությամբ, Brent-ի հունվարյան մատակարարումների ֆյուչերսային գործարքների գինն աճել է 2.04%-ով՝ 61.26 դոլար 1 բարելի դիմաց: WTI տեսակի նավթի հունվարյան մատակարարումների ֆյուչերսային գործարքների գինն աճել է 1.07%-ով՝ 56.54 դոլար 1 բարելի դիմաց:
Վերլուծաբանները նավթի թանկացումը կապում են ոչ թե հիմնական գործոնների հետ, այլ ավելի շուտ շուկայում բարձր փոփոխականության հետ: Ըստ նրանց՝ «սև ոսկու» գինը կարող է շարունակել նվազել:
ԱՄՆ էներգետիկայի նախարարության էներգետիկ տեղեկատվության վարչության տեղեկությամբ՝ այդ երկրում նավթի կոմերցիոն պահուստները դեկտեմբերի 12-ին վերջացած շաբաթվա ընթացքում կրճատվել են 0.8 մլն բարելով (0.2%)՝ մինչև 379.9 մլն բարել:
