Հոլիվուդյան դերասաններ 70-ամյա Մայքլ Դուգլասի և 45-ամյա Քեթրին Զետա-Ջոնսի ընտանիքում սկանդալ է պայթել: Նոր սկանդալի հիմք է ծառայել Դուգլասի և «Մարդ-մրջյունը» ֆիլմում նրա գործընկերուհու՝ 35-ամյա դերասանուհի Էվանջելին Լիլիի միջև թեթև սիրախաղը, գրում է 7 days-ը:
«Նկարահանումների առաջին օրից Մայքլի և Էվանջելինի միջև կիրք է առաջացել: Դուգլասին չի կանգնեցրել նույնիսկ այն, որ Լիլին այժմ զուգընկեր ունի: Երբ Քեթրինն իմացել է այդ մասին, նա իսկական սկանդալ է սարքել: Այդ ամենը նրանց ամուսնության մեջ էլ ավելի շատ խնդիրներ է առաջացրել»,- պատմում են աղբյուրները:
Հիշեցնենք, որ անցած տարվա ամռանը Զետա-Ջոնսը և Դուգլասը որոշել են առանձին ապրել: Սակայն, գործը ամուսնալուծության չի հասել:
