Անցած շաբաթ հանրությունը քննարկել է Hollywood Film Awards-ի մրցանակաբաշխության արարողությանը Ջոնի Դեպի վարքը: Դերասանը հարբած է դուրս եկել բեմ, հազիվ է ոտքի վրա մնացել, խոսել է չկապակցված, հայհոյել է, ինչով և գործընկերների տհաճ լռությունն ու բազմաթիվ երկրպագուների վրդովմունքն է առաջացրել, գրում է Spletnik.ru-ն:
«Ես տարօրինակություններով մարդ եմ: Կարծում եմ՝ մեզանից յուրաքանչյուրը յուրովի է խելագարվում»,- ասել է նա մի առիթով:
Դերասանի նման պահվածքի պատճառը մինչ այժմ հայտնի չէ: Շատերի կարծիքով՝ դա պետք է որ լուրջ պատճառներ ունենա, քանի որ Դեպն արդեն վաղուց հրաժարվել է անպատասխանատվությունից և տղայական արարքներից:
90-ականներին նա անհոգ կյանք էր վարում և սիրավեպեր ուներ Վայոնա Ռայդերի և Քեյթ Մոսի հետ, սակայն այսօր նա օրինակելի հայր է և կինոաշխարհում հարգված մարդ:
Դերասանի բոլոր արժանիքների, մրցանակների և, իհարկե, ֆիլմերի թվարկումը, որոնցում նա նկարահանվել է, երկար ժամանակ կխլի: Սակայն լավ կինոյի և հենց Դեպի երկրպագուները այդ ամենի մասին շատ լավ գիտեն: Իսկ պարբերականը առաջարկում է դերասանին գնահատել մեկ այլ կողմից, կամ ավելի ճիշտ՝ գնահատել նրա ոճը:
Նորաձևության քննադատները նրա ոճը որպես street-casual, boho, երբեմն՝ trashion են գնահատում: Սակայն դերասանը երբեք նորաձևության միտումներին չի հետևում:
Դեպի ոճի անբաժանելի տարրերն են ակնոցը, ժիլետը, շարֆը, գլխարկը, հին կոշիկներն ու աքսեսուարների առատությունը:
