Ռեժիսոր Դանիել Բարնզի Cake ֆիլմում նկարահանումները Ջեննիֆերի համար հեշտ չեն եղել: Դերը ոչ միայն հոգեկան լարում, այլև արտաքին կերպարանափոխություններ է պահանջում, գրում է Spletnik.ru-ն:
Վերջերս տված հարցազրույցներից մեկում դերասանուհին խոստովանել է, որ այս նախագծում մասնակցության համար նա մի քանի ավելորդ կիլոգրամներ է հավաքել և դադարել է հետևել իր արտաքին տեսքին:
Լրագրողների հետ զրույցի ժամանակ Էնիսթոնը նշել է նաև, որ ֆիլմում նկարահանվել է առանց կոսմետիկայի: Եվ դա, նրա խոսքերով, երազանք է. «Ես այդ մասին նախկինում էլ եմ ասել: Դա շատ է թարմացնում: Դա հիանալի է, երազանք, ազատություն»:
«Միակ պատճառը, որ ես հայտնվել եմ դիմահարդարի աթոռին, դա սպիներն են, որոնք պիտի լինեն իմ հերոսուհու դեմքին»,- պատմել է նա:
Ընդ որում, Ջենի աշխատանքն աննկատ չի մնացել: Լրագրողները նույնիսկ ենթադրում են, որ նա կարող է կանացի լավագույն դերի համար «Օսկար» ստանալ:
Հիշեցնենք, որ «Տորթը» պատմում է գրավիչ և սրամիտ Քլերի մասին, ով մի գեղեցիկ օր իմանում է հոգեբանական օգնության խմբի անդամներից մեկի սպանության մասին, ուր գլխավոր հերոսուհին հաճախում է քրոնիկ ցավի սինդրոմի պատճառով:
Կինը որոշում է ավելի մոտիկից ծանոթանալ մահացածի կյանքին, սակայն, քրքրելով անցյալը, նա ցավոտ սիրավեպ է ունենում նրա ամուսնու հետ և ինքն էլ ողբերգության զոհ է դառնում: