Ինչպես հայտնի է՝ ՀՀ դատախազությունը՝ հետաքննության և նախաքննության օրինականության նկատմամբ հսկողություն իրականացնելու գործառույթի իրականացման արդյունքում ՀՀ քննչական կոմիտեի Շենգավիթ և Մալաթիա-Սեբաստիա վարչական շրջանների քննչական բաժիններում քննվող գործերի նախաքննության ընթացքում արձանագրել է մի շարք չարաշահումներ և քրգործեր է հարուցել ՀՀ քրեական օրենսգրքի 308-րդ հոդվածի 1-ին մասի հատկանիշներով հարուցվել են քրեական գործեր:
Կառավարության նիստից հետո գլխավոր դատախազ Գևորգ Կոստանյանը համաձայնեց պատասխանել քննչական կոմիտեի քննիչների դեմ հարուցված քրեական գործերի առիթվ լրագրողների հարցերին և մեր հարցին, թե սա չի՞ նշանակում, որ դատախազության և Աղվան Հովսեփյանի ղեկավարած քննչական կոմիտեի միջև որոշակի լարվածություն կա, պատասխանեց. «Ինքնին քրեական գործի հարուցումը դա դատախազի իրավունքն է: Երբ որ դատախազը տեսնում է հանցագործության հատկանիշներ, նա պարտավոր է քրեական գործ հարուցել: Երբ որ քրեական գործը հարուցվում է այս կամ այն չարաշահման կապակցությամբ, դա ամենևին չի նշանակում, որ այդ համակարգերի ղեկավարների կամ նրանց աշխատողների միջև կան որոշակի հակասություններ: Ինձ համար անընդունելի է, որ դա ներկայացվում է անձնական զեղումներով»:
Մանրամասները դիտեք տեսանյութում: