Շենգավիթ վարչական շրջանի ընդհանուր իրավասության դատարանում Նելլի Բաղդասարյանի նախագահությամբ սկսվում է Լիանա Խաչատրյանի գործի դատական քննությունը:
Ըստ մեղադրանքի՝ 27-ամյա Լիանա Խաչատրյանը 2014 թվականի հունիսի 24-ին, ժամը 14-ի սահմաններում Երևանի Շիրակի փողոցի շենքերից մեկի երկրորդ հարկի աստիճանների վրա Արմինե Մ.-ի պարանոցից պոկել, բացահայտ հափշտակել է «Կարդինալ» տեսակի ոսկե շղթան ու դիմել է փախուստի՝ տուժողին պատճառելով 210 հազար դրամի գույքային վնաս:
Լիանա Խաչատրյանին մեղադրանք է առաջադրվել կողոպուտի համար՝ ՀՀ քրեական օրենսգրքի 176 հոդվածի 1-ին մասով:
Նրա խափանման միջոցը ստորագրությունն է չհեռանալու մասին:
Կողոպուտի այս տեսակը՝ կանանց պարանոցից շղթա պոկելն ու փախչելը, հիմնականում տղամարդկանց կողմից էր իրականացվում: Սակայն փաստորեն այդ հանցատեսակին «ձեռք են զարկում» նաև երիտասարդ կանայք…