ԱՄՆ Վաշինգտոն նահանգի Մերիսվիլլա դպրոցի աշակերտը ուսումնական հաստատության սրճարանում ուրբաթ օրը գնդակահարել է 5 մարդու, որից հետո մահացու վիրավորել իրեն: Այս մասին գրում է TASS-ը՝ վկայակոչելով իրավապահ մարմինների ներկայացուցիչներին:
Զոհվել է մեկ աղջիկ, 4 տուժածներ գտնվում են հիվանդանոցում: Դեռահասներից 3-ի վիճակը բժիշկները գնահատում են ծայրահեղ և շարունակում պայքարել նրանց կյանքի համար:
Նշվում է, որ հրաձիգի թիրախը աղջիկն էր, ով մերժել էր ժամադրության գնալ նրա հետ: Զոհվածի ինքնությունը դեռևս չի հրապարակվել:
Իրավապահների խոսքերով՝ հրաձիգը պարանոցից իրեն վիրավորել է այն պահին, երբ նրա ձեռքից բռնել է սրճարանի աշխատակցուհիներից մեկը՝ փորձելով նրան կանգնեցնել:
Ոստիկանությունում հայտնել են, որ հրաձգությունը կատարվել է Beretta ատրճանակով:
