Հռոմի պապ Ֆրանցիսկոսը քննադատել է ցմահ դատավճիռների պրակտիկան՝ այն անվանելով «քողարկված մահապատիժ», հաղորդում է Agence France-Presse-ը։
Ֆրանցիսկոսը խոսք է ասել Պատժական օրենսդրության միջազգային ասոցիացիայի պատվիրակության հետ հանդիպման ժամանակ։ Իր ելույթում հովվապետը դեմ է հանդես եկել «քրեական պոպուլիզմին» և հայտարարել, թե հավատացյալները պետք է նույնպիսի ակտիվությամբ հանդես գան ցմահ ժամկետների դեմ, ինչպես մահապատժի։
«Բոլոր քրիստոնյաններն ու բարի կամքի տեր մարդիկ կոչված են այսօր պայքարելու ոչ միայն մահապատժի վերացման դեմ, այլև բանտարկության պայմանների բարելավման համար, որպեսզի հասնեն նրան, որ հարգվի դժբախտների մարդկային արժանապատվությունը»,- հայտնել է Հռոմի պապը։
«Վերջին տասնամյակներում տարածվել է այն համոզմունքը, որ խիստ պատժների օգնությամբ կարելի է լուծել ամենաբարդ սոցիալական խնդիրները՝ ինչպես եթե բոլոր հիվանդությունները որոշեին բուժել նույն դեղորայքով»,- նշել է պատրիարքը։