Լինդեր Սթերլինգի կոլաժները՝ Dior-ի զարդերի արխիվային կադրերի ու Archi Dior նոր հավաքածուի զարդերի հիման վրա, ներկայացնում են նորաձևության տան պատմությունը, հայտնում է elle.ru-ն:
Քրիստիան Դիորը մանկուց երազում էր դառնալ ճարտարապետ, և տարիներ անց նրա կիրքը կոնստրուկցիաների նկատմամբ արտահայտվել է նրա հավաքածուներում: Զգեստների ստեղծումը նրա համար հավասար էր պալատների նախագծմանը՝ էլեգանտ, շքեղ: Սակայն «նորաձև ճարտարապետությունը» պահանջում էր ոչ միայն երևակայություն ու ձեռքի աշխատանք, այլև կտորի ահռելի քանակություն:
Մեկ զգեստի վրա կարող էր ծախսվել մինչև 70 մ կտոր, ինչը հետպատերազմյան շրջանում ցցուն շքեղություն էր:
Նա նախագծեց նոր աշխարհ, որտեղ իշխում էր մոռացված կանացիությունը. բազմաշերտություն՝ ինչպես վարդի կոկոնը, փեշեր, ծավալուն բոլորածալեր: Christian Dior-ի ամեն հավաքածու վերածվում էր «ճարտարապետական» բացահայտման:
Diorի ոսկերիչ Վիկտուար դե Կաստելլանը աշխատում է նորաձևության տան հետ 1990-ականների վերջից: «Ճարտարապետական դիզայնի» կոնցեպցիան ոգեշնչել էր նրան ստեղծել Archi Dior ոսկերչական հավաքածուն:
«Ես ձգտում էի ամեն զարդի դիզայնին վերաբերվել ճարտարապետի հայացքով, ինչպես Դիորն էր վարվում իր զգեստների հետ: Պատկերացնում էի, որ թանկարժեք քարերը թավշե ու ծալազարդ կտորներ են»,- պատմում է դիզայները:
Archi Dior-ի յուրաքանչյուր գլուխգործոց կրում է նորաձևոըթյան տան պատմական զգեստի կամ կերպարի անվանումը:
Բրիտանուհին կարողացել է մեկ լուսանկարում ամբողջացնել Archi Dior-ի զարդերի լուսանկարները, որոնց հեղինակներն են Դիորն ու Վիկտուար դե Կաստելլանը ու նորաձևության տան արխիվային կադրերը՝ ստեղծելով յուրահատուկ արթ-կոմպոզիցիաներ:
