Կանադայի կառավարությունն առաջիկայում որոշում կընդունի «Իսլամական պետություն» ահաբեկչական խմբավորման դեմ միջազգային գործողությանը իր մասնակցության մանրամասների մասին: Այս մասին գրում է ITAR-TASS-ը՝ հղում անելով Կանադայի վարչապետ Սթիվեն Հարփերի հայտարարությանը:
Նրա խոսքերով՝ «առաջիկա մի քանի օրերին Կանադայի կառավարությունը կհայտարարի Իրաքում և Սիրիայում «Իսլամական պետության» դեմ գործողություններում իր դերակատարության մասին»:
«Ներկա պահին մենք հետևում ենք քվազի պետության՝ իսլամական խալիֆայության ստեղծմանը, որը ձգվում է Հալեպից մինչև Բաղդադ: Մինչև վերջին ժամանակներս «Իսլամական պետություն»-ը ծրագրում էր բազմազան հարձակումներ, այդ թվում նաև՝ այս երկրում»,- ասել է Հարփերը: