«Մոսկվա» կինոթատրոնում բացվել է «Հնդկական ֆիլմերի շաբաթ» ծրագիրը: Այն նվիրված է Բոլիվուդի 100-ամյակին: Բացման ընթացքում հնդկական ֆիլմերի մասին խոսեց Հայաստանում Հնդկաստանի արտակարգ և լիազոր դեսպան Սուրեշ Բաբու Թադիպանենին: Նա կարևորեց հնդկական ֆիլմերի արտադրությունը՝ նշելով, որ տարեկան շուրջ 1300 ֆիլմ է արտադրվում: Հնդկական կինոարդյունաբերությունը համարվում է խոշորագույնը: Դեսպանը նաև նկատեց, որ այսօրվա Բուլիվուդը ապահովում է ժամանց, ժամանց և ժամանց:
Ըստ նրա՝ հնդկական առաջին ֆիլմի ստեղծման օրվանից հնդկական կինոն ուշադրության կենտրոնում է հայտնվել: Հնդկական ֆիմերի արտադրության մեջ հայտնի անուններ են Ռաջ Կապուրը, Ամիտաբհ Բաչանը, Շրի Դեվին, հիմա արդեն՝ Շահրուք Գհանը, Ամիր Գհանը, Կարինա Կապուրը, Սանի Դեոլը և այլք:
Կինոթատրոնում «Հնդկական ֆիլմերի շաբաթ» ծրագրի շրջանակներում առաջինը ցուցադրվեց «Վիր և Զառա» ֆիմը, որը գեղեցիկ սիրո պատմություն է, որում 20-ից ավելի տարիների բաժանումից հետո սիրահարները կարողանում են միմյանց հետ լինել: Հանդիսատեսներն ընդգծում էին, որ հնդկական ֆիլմերը պարզ են, հեքիաթային, դիտելու համար հաճելի:
Առավել մանրամասն՝ տեսանյութում։