ԱՄՆ Դալլաս քաղաքում Heritage Auctions աճուրդի տունը աճուրդի է դրել պրոտոսֆիրենա (Protosphyraena) տեսակի ձկան բացառիկ կմախք. այն ապրել է 85 մլն տարի առաջ: Այս մասին հայտնում է ITAR-TASS-ը:
Ինչպես հայտնել է աճուրդի տան պաշտոնական ներկայացուցիչը՝ ցուցանմուշը տվյալ տեսակի ձկան միակ լիովին վերականգնված կմախքն է:
Գիտականորեն ձուկը կոչվում է Protosphyraena nitida, այն ունեցել է մինչև 2.5 մետր երկարություն՝ ներառյալ երկար «քիթը»:
Ակնկալվում է, որ այն կվաճառվի 110 հազար դոլարից ոչ պակաս:
Արդեն հիմա կոլեկցիոներները պատրաստ են ձկան համար վճարել մոտ 70 հազար դոլար: ԱՃուրդը ծրագրված է սեպտեմբերի 28-ին: