Ամերիկացի գիտնականները հայտարարել են, որ թերթաքարային գազի արդյունահանումը՝ ստորերկրյա շերտերի ուժեղ ճնշմամբ հիդրոպայթյունի օգնությամբ, կարող է լինել երկրաշարժերի պատճառ: Այս մասին տեղեկացնում է BBC-ի ռուսական ծառայությունը:
Ինչպես հայտնել են ԱՄՆ Երկրաբանական ծառայության փորձագետները՝ երբ էներգետիկ ընկերությունները նման տեխնոլոգիայով սկսեցին գազ արդյունահանել Կոլորադոյում ու Նյու Մեքսիկոյում, որոնք մինչ այդ սեյսմիկ առումով հանգիստ շրջաններ էին, այնտեղ գրանցվեցին 16 երկրաշարժեր՝ ավելի քան 3.8 մագնիտուդով: