ՀՀ ՊՆ Վազգեն Սարգսյանի անվան ռազմական ինստիտուտի կուրսանտները այսօր Վարդան Մամիկոնյանի հուշարձանի մոտ հայենիքին ծառայելու երդում տվեցին:
Երդվողների շարքում կային նաև աղջիկներ, որոնք «Առաջին լրատվական»-ի հետ զրույցում նշեցին, որ իրենք ևս կարող են բարձր մարտական պատրաստվածությամբ դիմագրավել հակառակորդին: Ըստ նրանց՝ կինը հայրենիքի պաշտպանության գործում մեծ դեր կարող է ունենալ՝ կանգնելով հենց սահմանին:
«Առաջին լրատվական»-ի հետ զրույցում պատանիներն ընդգծում էին՝ հպարտ են, որ սահմանում հայրենիքը պաշտպանող զինվորները հակառոկորդի դիվերսիոն գործողություններրի ժամանակ ադրբեջանցիներին ևս մեկ անգամ ապացուցեին, որ մեր սահմաններն անառիկ են:
Ապագա սպաների ծնողները ևս հպարտությամբ էին խոսում զինծառայողների մասին ՝ ընդգծելով, որ իրենց որդիները գիտակցում են, որ հայրենիքի պաշտպանությունը սուրբ պարտականություն է: Ապագա սպանների շարքում էր նաև ԳԽ նախկին պատգամավոր Ազատ Արշակյանի միակ որդին՝ Տարոն Արշակյանը, որի համար իր ընտանիքի պաշտպանությունը սկսվում է հայրենիքի սահմանների պաշտպանությունից: Ազատ Արշակյանը մեզ հետ զրույցում ընգգծեց, որ այսօր ունենք կայացած, մարտունակ, հաղթնականերով նշանավորված բանակ և վերջին ժամանակահատվածում հակառակորդին ևս մեկ անգամ ապացուցեցինք, որ մեր հայրենիքի սահմանները քաջ, անվախ զինվորներ են պաշտպանում: «Այս պատանիները մեր անվտանգության, հպարտության ապագան են»,- ասաց նա՝ հավելելով, որ իրենց սերունդը կարողացավ հաղթել՝ ձևավորելով հաղթող բանակի ավանդույթները, իսկ սա արդեն կանոնավոր, պրոֆեսիոնալ բանակ է, այն իմաստով, որ երիտասարդ մարդիկ կան, որոնք իրենց մասանագիտությունը համարում են հայրենիքին ծառայությունը և պատրաստ են հայրենիքի պաշտպանության համար իրենց կյանքը զոհել: Եվ հիմա հակառակորդը կրկին տեսավ, որ մեր հաղթանակը պատահական չէր, և շարունակում ենք հաղթել՝ հպարտությամբ, պատվով:
Առավել մանրամասն՝ տեսանյութում:
