«Իսլամական պետություն» ահաբեկչական կազմակերպության զինյալները փորձում են իրենց իմիջը հանրության աչքին լավացնել Twitter-ում էջի միջոցով, որում ենթադրյալ ահաբեկիչները խաղում են կատվի ձագերի հետ: Այս մասին հայտնում է բրիտանական The Independent թերթը:
@ISILCats էջը («Կատուների իսլամական պետություն») լի է կատուների հետ խաղացող մարդկանց լուսանկարներով: Լուսանկարներում պատկերված տղամարդկանցից շատերը զինված են, կրում են խակի գույնի հագուստ, դիմակով են:
The Independent-ը ենթադրում է, որ լուսանկարներում պատկերված են կամ «Իսլամական պետության» ահաբեկիչները, կամ նրանց կողմնակիցները: Թերթի տվյալներով՝ լուսանկարներն արվել են Սիրիայի Ռաքքա քաղաքում: Դրանցից շատերում նաև ժպտացող երեխաներ կան:
