Ադրբեջանի բանակի առաջնային գծում 9 զոհ ունի: Այս մասին հաղորդում է APA գործակալությունը:
Ադրբեջանի Պաշտպանության նախարարության տարածած հաղորդագրության համաձայն՝ հուլիսի 31-ի լույս օգոստոսի 1-ի գիշերը «հայկական դիվերսիոն-հետախուզական խմբերը փորձել են անցնել շփման գիծը Աղդամի և Տերտերի շրջաններում»: Տեղի ունեցած հրաձգության հետևանքով զոհվել է ադրբեջանցի 8 զինծառայող:
Բացի այդ, հաղորդագրության մեջ նշվում է, որ հուլիսի 31-ին Ղազախի շրջանում զոհվել է Ադրբեջանի զինված ուժերի ևս մեկ զինծառայող՝ Ալմազով Իսա Զիյադ օղլուն:
Հիշեցնենք, երեկ ԼՂՀ ՊՆ մամուլի ծառայությունը հայտնեց, որ հուլիսի 31-ին հակառակորդը դիվերսիոն հարձակում էր գործել հյուսիսային հատվածում մարտական հերթապահություն իրականացնող զորամասերից մեկի պահպանության տեղամասի ուղղությամբ, ինչի հետևանքով զոհվել են ՊԲ զինծառայողներ, 1994 թ. ծնված Արարատ Վաչիկի Խանոյանը և Աշոտ Արթուրի Ասոյանը: