Ինդիանապոլիսի (Ինդիանա նահանգ, ԱՄՆ) բնակիչը երկրորդ անգամ երեք ամսվա ընթացքում վիճակախաղով 1 միլիոն դոլար է շահել, հաղորդում է Fox News-ը։
Առաջին անգամ Ռոբերտ Համիլթոնը «120 միլիոն դոլարի գրավիչ ատրակցիոն» վիճակախաղով շահել է այս տարվա ապրիլին։ Երեք ամիս անց Համիլթոնը շահել է ճիշտ նույնպիսի մրցանակ՝ 1 միլիոն դոլար, ընդ որում, երկու տոմսն էլ գնվել են տարբեր քաղաքներում։
Երջանիկ ամեիկացու խոսքով՝ իր առաջին մրցանակը նա պատրաստվում է ծախսել, որպեսզի մարի իր բոլոր ֆինանսական պարտավորությունները, գնի տուն իր և կնոջ համար, արձակուրդին ծով գնա և բեռնատար գնի հոր և նրա բիզնեսի համար։
«Երբ նա առաջին անգամ շահեց, ես ասացի, որ եթե նորից շահի, ապա կարող է մոտոցիկլ գնել իր համար»,- պատմել է հաղթողի կինը։ Համիլթոնն ինքը ևս հաստատել է, որ երկրորդ շահումը մտադիր է ծախսել մոտեցիկլ ձեռք բերելու համար։
Վիճակախաղի տոմսեր արտադրող Hoosier Lottery ընկերության ներկայացուցիչները հայտնում են, որ գլխավոր մրցանակը շահելու հավանականությունը մեկը 2,1 միլիոնի է։