Արգենտինան չորեքշաբթի հայտարարված երկրի արտաքին պարտքի դեֆոլտի մեղքը դրել է Միացյալ Նահանգների վրա, հաղորդում է BBC-ի ռուսական ծառայությունը։
Երկրի իշխանությունները հայտարարել են, թե դեֆոլտի մասին ձախողմամբ ավարտված բանակցություններին մասնակցող միջնորդը և դատավորը եղել են կանխակալ և ոչ իրավասու։
Արգենտինայի կառավարության ղեկավար Խորխե Կապիտանիչը հայտարարել է, թե իր կառավարությունը դիտարկում է տեխնիկական դեֆոլտի հայտարարման դեմ բողոքարկմամբ Հաագայի դատարան դիմելու հնարավորությունը։
Ներկայումս ներդրողները, որոնք տիրապետում են Արգենտինայի պետական բաժնետոմսերի 1,3 մլրդ դոլարի չափով գումարին, պահանջում են դրանց վճարումը։
Արգենտինան, որն այդպիսի ներդրողներին անվանում է «գիշակերներ», փորձել է հասնել պարտքի գումարի նվազեցմանը, սակայն դրա շուրջ Նյու Յորքում տեղի ունեցող բանակցություններն ավարտվել են անարդյունք։
Դատավոր Թոմաս Գրիսան, որը նախագահում է բանակցություններում, նոր նիստը նշանակել է ուրբաթ։